МАРКАЗИ ТАДҚИҚОТИ СТРАТЕГӢ СЕМИНАРИ ОМӮЗИШИРО ОИД БА ГАРДИШИ ҲУҶҶАТҲОИ ЭЛЕКТРОНӢ БАРГУЗОР НАМУД

Дар ҷараёни семинар масъалаҳои марбут ба аҳаммияти гузариш ба низоми ягонаи гардиши ҳуҷҷатҳои электронӣ, таҷрибаи пешқадами ҷаҳонӣ, минтақавӣ ва ватанӣ дар самти татбиқи ҳукумати рақамӣ мавриди баррасӣ қарор гирифтанд.

Ҳамзамон ба масъалаҳои рақамикунонии идоракунии давлатӣ, ташаккули низоми бюрократияи электронӣ ва бартариҳои гузариш ба низоми ягонаи гардиши ҳуҷҷатҳои электронӣ таваҷҷуҳи махсус зоҳир гардид.

Дар рафти чорабинӣ инчунин ҷанбаҳои амалии истифодаи низоми гардиши ҳуҷҷатҳои электронӣ ва тарзи дурусти корбарии он ба иштирокчиён шарҳ дода шуда, аҳаммияти ин раванд барои такмили фаъолияти идоракунӣ ва рушди ҳукумати рақамӣ таъкид гардид.