Рӯзи якуми марти соли ҷорӣ муовини директори Маркази тадқиқоти стратегии назди Президенти Ҷумҳурии Тоҷикистон Ҷӯрахонзода Саодати Хурсанд аз ҳавзаи интихоботии №13 ба вакилии Маҷлиси вакилони халқи ноҳияи Синои Душанбе аз Ҳизби Халқии Демократии Тоҷикистон номзад пешбарӣ шуда буд. Инак, маълум гардид, ки ӯ бо ҷонибдории аксари овози интихобкунандагон пирӯзӣ ба даст оварда, вакили Маҷлиси намояндагони халқи ноҳияи Синои шаҳри Душанбе интихоб гардид.
Мо, кормандони Маркази тадқиқоти стратегии назди Президенти Ҷумҳурии Тоҷикистон, муҳтар Ҷӯрахонзода Саодати Хурсандро ба ин пирӯзӣ аз таҳти дил ва самимона табрику муборакбод намуда, дар ҷодаи хидмат ба мардуми кишварамон барори кор ва комёбиҳои бешумор таманно дорем.
***
ЗИНДАГИНОМАИ МУХТАСАРИ ҶӮРАХОНЗОДА САОДАТИ ХУРСАНД
26 апрели соли 1973 дар Ҷумҳурии Тоҷикистон таваллуд ёфтааст.
| 1990 | Мактаби таҳсилоти миёнаи умумии №76-и шаҳри Душанберо хатм намудааст |
| 1990–2000 | Донишгоҳи давлатии миллии Тоҷикистон, донишҷӯйи факултаи иқтисодиёт ва идора, ихтисоси иқтисодиёти миллӣ |
| 2003–2004 | Донишгоҳи давлатии миллии Тоҷикистон, аспирантура аз рӯйи ихтисоси иқтисодиёт |
| 2003–2004 | Ed Net, USAID, CARANA, Академияи шабакаи маълумотӣ. Курсҳои баландбардории ихтисос аз ҷониби NBA, ихтисоси идоракунӣ, курсҳои соҳибкорӣ дар соҳаи иқтисодиёти давлатҳои рушдкунанда, баҳисобгирии идоравӣ, баҳисобгирии истеҳсолӣ, макроиқтисодиёт |
| 2004 | Ассотсиатсияи устодони фанҳои баҳисобгирӣ, курсҳои баҳисобгирии идоравӣ, баҳисобгирии истеҳсолӣ, андоз ва андозбандӣ |
| 2008 | Кумитаи шаҳрии Душанбе доир ба мусоидат ба мудофиа ва омодасозии ронандаи дараҷаи “В” |
| 2011 | Вазорати маориф ва илми Федератсияи Русия, сарфарозгардонӣ бо унвони илмии “номзади илмҳои иқтисодӣ” |
| 2013 | Муассисаи давлатии федералии мухтори таълимии маълумоти олии касбӣ, филиали ДИТТ “МИСиС” дар шаҳри Душанбе, Донишкадаи иқтисодиёт ва идораи корхонаҳои саноатӣ, машқи устодии “Истифодабарии технологияҳои электронии таълим барои омодасозии иқтисодчиён ва менеҷерон” |
| 2018 | Донишгоҳи Амрико дар Осиёи Марказӣ дар чаҳорчӯби Лоиҳаи “Посух ба ҷараёни муҳоҷират бо роҳи афзоиши иқтидор дар Осиёи Марказӣ”, марҳалаи 4-уми ИКАГМ ИМА (БНБМ–НММ США), омӯзиши минтақавӣ оид ба таҳия намудани курсҳои таълимӣ дар мавзӯи “Ҳуқуқи байналмилалӣ ва кумак ба бозгашти ихтиёрӣ ва реинтегратсия” |
| 2018 | Созмони байналмилалии муҳоҷират–Агентии СММ доир ба муҳоҷират, идораи байниминтақавӣ дар Осиёи Марказӣ, USAID, семинари омӯзишии “Ҳуқуқҳои инсон ва кирояи одилонаи қувваи кории хориҷа” |
| 2018 | Лоиҳаи миллии “Татбиқи стратегияи омодасозии касбии кадрҳо”, Гурӯҳи 20: Ҳамкории Созмони байналмилалии меҳнат ва Федератсияи Русия, Семинари миллӣ дар мавзӯи “Беҳтарсозии низоми роҳбарияти дастаҷамъонаи низоми ТИК дар сатҳи минтақавии Ҷумҳурии Қирғизистон (дар мисоли вилояти Чуй)”. |
| 2000–2006 | Омӯзгори калони кафедраи менеҷмент ва маркетинги Донишкадаи андоз ва ҳуқуқи Тоҷикистон |
| 2006–2010 | Омӯзгори калони кафедраи менеҷменти Донишкадаи иқтисодии Тоҷикистон |
| 2010–2011 | Омӯзгори калони кафедраи назарияи иқтисодии Донишгоҳи словянии Русиву Тоҷикистон |
| 2011–2013 | Дотсенти кафедраи фаъолияти иқтисодии бурунмарзӣ ва идоракунии маъмурӣ |
| 2013 | Муовини декан доир ба тарбия ва тарғиботи факултаи иқтисодиёти ҷаҳони Донишгоҳи технологии Тоҷикистон |
| 2013–2014 | Мудири кафедраи менеҷмент ва маркетинги Донишкадаи соҳибкорӣ ва хизмат |
| 2014–2020 | Директори Муассисаи давлатии “Пажӯҳишгоҳи меҳнат, муҳоҷират ва шуғли аҳолӣ” |
| 2020 то ба ҳол | Муовини директори МТС назди Президенти Ҷумҳурии Тоҷикистон |
Узви ҲХДТ, оиладор, соҳиби чаҳор фарзанд.
Хадамоти матбуотии Маркази
тадқиқоти стратегиии назди
Президенти Ҷумҳурии Тоҷикистон
