Директори Маркази тадқиқоти стратегии назди Президенти Ҷумҳурии Тоҷикистон

Директор

 

ЗИЁӢ ХУРШЕД МАХШУЛЗОДА
доктори илмҳои фалсафа

Барои тамос:  ш. Душанбе, хиёбони Рудаки 40.
Тел:
(+992 37) 221-11-00;
E-mail: kziyoev@yandex.com

 

 


ТАРҶУМАИ ҲОЛИ ЗИЁӢ ХУРШЕД МАХШУЛЗОДА:

ТАРҶУМАИ ҲОЛ
Зиёӣ Хуршед Махшулзода 26 августи соли 1963 дар ноҳияи Дарвоз таваллуд шудааст. Маълумоташ олӣ буда, дар соли 1980 мактаби миёнаро бо медали тилло ва дар соли 1985 Донишгоҳи давлатии Тоҷикистон ба номи В.И. Ленин (ҳоло Донишгоҳи миллии Тоҷикистон)-ро бо ихтисоси омӯзгори забон ва адабиёти арабӣ ва тоҷикӣ бо дипломи аъло хатм кардааст Аз соли 2006 доктори илмҳои фалсафа ва аз соли 2010 профессор мебошад. Фаъолияти корияшро аз соли 1985 то соли 1988 ба ҳайси муҳандис-тарҷумони Вазорати саноати мудофиаи собиқ Иттиҳоди Шӯравӣ дар мамлакати арабии Ливия шурӯъ кардааст Аз соли 1988 то соли 1991 дар шуъбаи рӯзонаи аспирантураи Институти фалсафа ва ҳуқуқи Академияи илмҳои Ҷумҳурии Тоҷикистон таҳсил карда, рисолаи номзадиашро дар риштаи таърихи фалсафа дар соли 1991 дифоъ намудааст. Солҳои 1991–1993 ба ҳайси ходими хурди илмӣ, ходими илмӣ ва ходими калони илмии Институти фалсафа ва ҳуқуқи Академияи илмҳои Ҷумҳурии Тоҷикистон фаъолият кардааст. Аз соли 1993 ҳамчун мудири кафедраи фанҳои ҷамъиятӣ ва аз соли 1998 ба ҳайси муовини ректор оид ба таълими Донишкадаи давлатии забонҳои Тоҷикистон ба номи Сотим Улуѓзода фаъолият карда, дар соли 2006 рисолаи докторӣ дифоъ намудааст. Солҳои 2009–2011 дар вазифаи сардори Хадамоти давлатии назорат дар соҳаи маорифи Вазорати маорифи Ҷумҳурии Тоҷикистон фаъолият кардааст. Аз 1 августи соли 2011 то 27 феврали соли 2015 дар вазифаи ректори Донишкадаи давлатии забонҳои Тоҷикистон ба номи Сотим Улуѓзода фаъолият доштааст. Ҳамзамон, бо қарори Ҳукумати Ҷумҳурии Тоҷикистон аз соли 2012 узви Мушовараи Вазорати маориф ва илми Ҷумҳурии Тоҷикистон таъин гардида буд. Аз 10 марти соли 2015 то 20 августи соли 2017 ба симати сардори Раёсати илм ва инноватсияи Вазорати маориф ва илми Ҷумҳурии Тоҷикистон фаъолият доштааст. Ҳамзамон, бо Амри Президенти Ҷумҳурии Тоҷикистон аз соли 2017 узви Раёсати Комиссияи олии аттестатсионии назди Президенти Ҷумҳурии Тоҷикистон таъин гардидааст. Аз 21 августи соли 2017 то 16 октябри соли 2019 ба ҳайси директори Пажӯҳишгоҳи рушди маориф ба номи Абдураҳмони Ҷомии Академияи таҳсилоти Тоҷикистон фаъолият кардааст. Бо Амри Президенти Ҷумҳурии Тоҷикистон аз 17.09.2019, №АП-1277, муовини якуми директори Маркази тадқиқоти стратегии назди Президенти ҶумҳурииТоҷикистон таъин шудааст. Соҳиби “Ифтихорнома”-и Вазорати маориф ва илми Ҷумҳурии Тоҷикистон ва унвони “Аълочии маорифи Тоҷикистон” аст. Муаллифи 118 таҳқиқоти илмӣ, аз ҷумла, 8 монография, 16 китоби дарсию дастурҳои таълимӣ ва 94 мақолаи илмӣ ва методӣ мебошад. Оиладор, соҳиби чор фарзанд ҳаст.

Чоп кунед