Асосӣ: Сиёсати дохилӣ Таҳқиқот РАНГ БИНУ ҲОЛ ПУРС
+++ Тоҷикистон ҳамчун кишвари пешсаф дар мубориза бо терроризм ва экстремизм +++ Тоҷикистон ҳамчун кишвари ташаббускор дар самти мубориза бо терроризм +++ ТАБРИКОТИ Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати фарорасии моҳи шарифи Рамазон +++ Пешвои миллат Эмомалӣ Раҳмон бо Сарвазири Ҷумҳурии Сотсиалистии Ветнам Нгуен Суан Фук мулоқот намуданд +++ Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Ӯзбекистон Шавкат Мирзиёев мулоқот намуданд +++ Президенти Ҷумҳурии Тоҷикистон Эмомалӣ Раҳмон дар Форуми дуюми ҳамкории байналмилалии «Як камарбанд, як роҳ» иштирок намуданд +++ Имзои санадҳои нави ҳамкорӣ миёни Ҷумҳурии Тоҷикистон ва Федератсияи Россия +++ Суханронӣ дар мулоқот бо роҳбарону намояндагони диаспора, муҳоҷирони меҳнатӣ ва донишҷӯёни тоҷик дар Федератсияи Россия +++ Таъиноти кадрӣ +++ ТАНОСУБИ ҚУВВАҲО ДАР АФҒОНИСТОН: СУЛҲХОҲОН ВА ҶАНГҶӮЁН +++

Овоздиҳӣ

Шумо дар бораи мо чӣ тавр фаҳмидед?
 

ОМОР

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз311
mod_vvisit_counterДирӯз706
mod_vvisit_counterДар ин ҳафта3520
mod_vvisit_counterДар ин моҳ24884
mod_vvisit_counterҲамагӣ1627498
Visitors Counter 1.5

ТАҚВИМ

Mайи
24
Ҷумъа
BuaXua Calendar

МАРКАЗИ ТАДҚИҚОТИ СТРАТЕГИИ НАЗДИ ПРЕЗИДЕНТИ ҶУМҲУРИИ ТОҶИКИСТОН

CТРАТЕГИЯИ МО ТАЪМИНИ АМНИЯТИ МИЛЛӢ, СУЛҲУ СУБОТ, МУТТАҲИДИИ МИЛЛАТ, РУШДУ ИНКИШОФИ АНЪАНАВУ СУННАТҲОИ НЕК ВА ФАРҲАНГИ МИЛЛӢ, ПЕШРАФТИ ИҚТИСОДИИ ТОҶИКИСТОН ВА БО ҲАМИН РОҲ БАЛАНД БАРДОШТАНИ САТҲИ ЗИНДАГИИ МАРДУМ АСТ.

ЭМОМАЛӢ РАҲМОН

РАНГ БИНУ ҲОЛ ПУРС

18.01.2019

Зери ин чанд изҳороте, ки аз ҷониби Қувваталӣ Муродов оид ба иштирок дар интихоботи президентӣ баён шуданд, чанд ҷиҳати ҳайсият ва шахсияти ӯ аён мегардад:

Якум, ба худ эътимод надоштан. Мувофиқи Моддаи 24-и Қонуни конститутсионии Ҷумҳурии Тоҷикистон Дар бораи интихоботи Президенти Ҷумҳурии Тоҷикистон «Номзади ба мансаби Президент пешбаришуда бояд аз тарафи панҷ дарсади шумораи шаҳрвандони Ҷумҳурии Тоҷикистон, ки ҳуқуқи интихобот доранд, тарафдорӣ карда шавад». Қувваталӣ Муродов бошад, аз Комисияи марказии интихобот ва раъйпурсӣ сабукӣ хостааст ва талаб кардааст, ки шумораи имзои шаҳрвандон ба тарафдории номзади пешбаришаванда кам карда шавад. Маълум мешавад, ки азбайнбарандаи «сиёсати тарс» ба неруи худ як зарра эътимод надорад ва ба ҷойи аз байн бурдани тарс аз он меҳаросад, ки агар номзадиашро пешниҳод кунад, шумораи даркории имзоҳоро ҷамъ оварда наметавонад,

Дуюм, андешаи маҳдуд ва ҷаҳонбинии шахшуда. Тавре аз гуфтаҳои Кувваталӣ Муродов бармеоянд, ӯ мехоҳад, ки афсарони собиқи ҳар ду ҷониби ҷанги шаҳрвандиро зери чатри «Фронти халқии Тоҷикистон» гирд оварда, ҳамин тавр, бо ёрии онҳо мушкилоти иҷтимоиву иқтисодии ҷомеа ва монеаҳои иштирок дар равандҳои сиёсии кишварро бартараф созад. Худи ҳамин нуқтаи назари «номзади оянда» собит месозад, ки вай фақат ба як доираи танги

одамон такя намуда, миллионҳо шаҳрвандони Тоҷикистонро надида мегирад. Сеюм, доштани ғаризаи аз худ «қаҳрамонсозӣ». Баргузории интихоботи президентӣ, иштирок намудан дар он ҳам ба ҳайси интихобкунанда ва интихобшаванда як раванди беқоидаву қонуне нест, ки шахсро зери тарсу фишор қарор диҳад ва тақдири ӯро зери хатар гузорад, балки болотар аз як раванд падидаи ҳатмӣ ва меёъри меҳварии демокартия буда, дар асоси Қонуни конститутсионии Ҷумҳурии Тоҷикистон танзим карда мешавад.

Тибқи Қонуни конститутсионии Ҷумҳурии Тоҷикистон Дар бораи интихоботи Президенти Ҷумҳурии Тоҷикистон "Шаҳрванди Ҷумҳурии Тоҷикистон, ки синнаш аз 30 кам нест, забони давлатиро медонад, камаш даҳ соли охир дар Тоҷикистон зиндагӣ карда, дорои ҳуқуқи интихоботӣ мебошад, Президент интихоб шуда метавонад" ва «Шумораи умумии номзадҳо ба мансаби Президент маҳдуд карда намешавад». Аз ин рӯ, ҳеҷ зарурате ҷой надорад, ки бо баёнияҳое чун «аз байнбарии сиёсати тарс» аз шахсияти худ «қаҳрамон»-у «фидоӣ»-и роҳи озодӣ сохт.

Чорум, махлут кардани манфиатҳои миллию давлатӣ ба манфиатҳои шахсӣ. Тавре аз таърихчаи тавлиди изҳорот дида мешавад, соли қабл Қувваталӣ Муродов дар натиҷаи як баҳси судӣ хонаи истироҳатии "Харангон"-ро, солҳои ҷанги шаҳрвандӣ дар дараи Варзоб хусусӣ карда буд, мағлуб шуд. Ин мағлубият сабаб шуд, ки вай даст ба баёнияҳои бузурги сиёсӣ занад, аз ҷумла иштирок дар интихоботи президентӣ. Яъне на дарки манфиатҳову мушкилоти ҷомеа, балки мушкилоти шахсӣ сабаб шудааст, ки дар интихоботи президенти ширкат варзад.

Дар хулоса ҳаминро метавон гуфт, ки мо дар солҳои ҷанги шаҳвандӣ нестем, ки ҳамчун сарвари сиёсӣ ба майдони сиёсат омадани шахсро неруи силоҳу маҳорати қумондонӣ ва тафаккури қумандонсолоронааш муайян кунад ва ҳар гуна нигоҳи танги шахсию гурӯҳии худро болои дигарон бор созад.

Агар соҳиби чунин мафкураӣ, аз ҷасорат сухан набояд гуфт!

Мо дар асри 21, дар асри ҷаҳонсолорию замонсолорӣ қарор дорем, ки мебояд аз тафаккури танги шахсию гурӯҳӣ расту ба арзу тӯли манфиатҳои миллату давлат андеша кард ва соҳиби мафкураи сиёсии ҷаҳонию, ҷаҳонбинии муосир буд.

Шарифзода Р.И.