Асосӣ: Сиёсати дохилӣ Таҳқиқот ДАР ҲОШИЯИ МАҚОЛАИ РАДИОИ ОЗОДӢ ЗЕРИ УНВОНИ "НАХУСТИН РАҚИБИ ЭМОМАЛӢ РАҲМОН ДАР ИНТИХОБОТИ СОЛИ 2020: ҲАДАФИ МАН ШИКАСТАНИ СИЁСАТИ ТАРС ДАР ТОҶИКИСТОН АСТ".
+++ Тоҷикистон ҳамчун кишвари пешсаф дар мубориза бо терроризм ва экстремизм +++ Тоҷикистон ҳамчун кишвари ташаббускор дар самти мубориза бо терроризм +++ ТАБРИКОТИ Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати фарорасии моҳи шарифи Рамазон +++ Пешвои миллат Эмомалӣ Раҳмон бо Сарвазири Ҷумҳурии Сотсиалистии Ветнам Нгуен Суан Фук мулоқот намуданд +++ Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Ӯзбекистон Шавкат Мирзиёев мулоқот намуданд +++ Президенти Ҷумҳурии Тоҷикистон Эмомалӣ Раҳмон дар Форуми дуюми ҳамкории байналмилалии «Як камарбанд, як роҳ» иштирок намуданд +++ Имзои санадҳои нави ҳамкорӣ миёни Ҷумҳурии Тоҷикистон ва Федератсияи Россия +++ Суханронӣ дар мулоқот бо роҳбарону намояндагони диаспора, муҳоҷирони меҳнатӣ ва донишҷӯёни тоҷик дар Федератсияи Россия +++ Таъиноти кадрӣ +++ ТАНОСУБИ ҚУВВАҲО ДАР АФҒОНИСТОН: СУЛҲХОҲОН ВА ҶАНГҶӮЁН +++

Овоздиҳӣ

Шумо дар бораи мо чӣ тавр фаҳмидед?
 

ОМОР

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз286
mod_vvisit_counterДирӯз706
mod_vvisit_counterДар ин ҳафта3495
mod_vvisit_counterДар ин моҳ24859
mod_vvisit_counterҲамагӣ1627473
Visitors Counter 1.5

ТАҚВИМ

Mайи
24
Ҷумъа
BuaXua Calendar

МАРКАЗИ ТАДҚИҚОТИ СТРАТЕГИИ НАЗДИ ПРЕЗИДЕНТИ ҶУМҲУРИИ ТОҶИКИСТОН

CТРАТЕГИЯИ МО ТАЪМИНИ АМНИЯТИ МИЛЛӢ, СУЛҲУ СУБОТ, МУТТАҲИДИИ МИЛЛАТ, РУШДУ ИНКИШОФИ АНЪАНАВУ СУННАТҲОИ НЕК ВА ФАРҲАНГИ МИЛЛӢ, ПЕШРАФТИ ИҚТИСОДИИ ТОҶИКИСТОН ВА БО ҲАМИН РОҲ БАЛАНД БАРДОШТАНИ САТҲИ ЗИНДАГИИ МАРДУМ АСТ.

ЭМОМАЛӢ РАҲМОН

ДАР ҲОШИЯИ МАҚОЛАИ РАДИОИ ОЗОДӢ ЗЕРИ УНВОНИ "НАХУСТИН РАҚИБИ ЭМОМАЛӢ РАҲМОН ДАР ИНТИХОБОТИ СОЛИ 2020: ҲАДАФИ МАН ШИКАСТАНИ СИЁСАТИ ТАРС ДАР ТОҶИКИСТОН АСТ".

18.01.2019

Пеш аз ҳама, қайд кардан даркор аст, ки мақолаи мазкур ғаразноку тамоюлнок буда, дар доираи «ҷангҳои иттилоотӣ» иншо шудааст. Ба назар мерасад, ки муаллиф озурдахотир асту фаромўш кардааст, ки имрўз Ҷумҳурии Тоҷикистон дар фазои озоди сиёсию иҷтимоӣ ояндаи худро бунёд карда истодааст. Ягон «сиёсати тарс» дар дохили кишвар ҳукмфармо нест. Тамоми самтҳои сиёсати дохиливу хориҷии кишвар дар асоси Конститутсияи Ҷумҳурии Тоҷикистон ва принсипҳои демократӣ пеш бурда мешаванд, ки дар миқёси байналмилалӣ дастгирӣ ёфтаанд.

Зерқонунҳои Ҷумҳурии Тоҷикистон, ки самтҳои гуногуни ҳаёти имрўзаи мардумро дарбар гирифтаанд, ҷавобгўйи меъёрҳои байналмилалӣ мебошанд. Маҳз ҳамин қонунҳо ҳастанд, ки ҷанбаҳои тарбиявӣ ва худидоракунии ҳар як шахси ҷомеаро ба танзим медароранд. Масалан, дида мешавад, ки танҳо Қонун «Дар бораи танзиму маросимҳо…» чи қадар ба мардум сабукиҳо оварда, аз хароҷоти изофӣ нигоҳ доштааст. Санадҳои меъёрии ҳуқуқӣ талаб мекунанд, ки ҳар як шаҳрванд муҳтавои онҳоро хуб азхуд намуда, саводнокии ҳуқуқиашро боло бардорад. Ибораҳои «фалон корро накун, ки ҳабс мешавӣ» ва «фалон гапро нагўй, хуб нест» ва монанди инҳо, бофтаҳои мардуми аз нигоҳи ҳуқуқӣ ноогоҳ мебошанд. Бесабаб нест, ки Пешвои миллат дар чандин суханрониҳояшон ба ин нукта таъкид кардаанд. То имрўз ягон шахси дар доираи қонунгузорӣ кирдору рафтори худро пешбаранда, ҷазо дода нашудааст.

Камбудиҳо дар системаҳои қазоию қудратӣ ҷойдошта сари вақт муайян ва пешгирӣ карда мешаванд, ки мисоли он бешумор аст. Бинобар ин, ақидаи муаллиф оид ба «сиёсати тарс» комилан беасос мебошад.

Дар хусуси ақидаҳои Абдулғанӣ Мамадазимов доир ба консепсияи «шукрона» ҳаминро гуфтаниам, ки ягон консепсия ё санади дигари меъёрии ба танзим дарорандаи ин мафҳум вуҷуд надорад. Худи халқи тоҷик, ки даҳшати ҷанги шаҳрвандии солҳои 1992–1997 -ро чашида буд, дигар намехоҳад дубора ин давраҳоро аз гузаронида, қурбониҳои зиёд диҳад. Бинобар ин, ҳама вақт шукри онро мекунад. Ақидаи таҳмили мафҳуми «шукрона» бемантиқу беасос аст. Пешвои миллат маҳз ба гуфтаи халқ такя карда, ин калимаро оммавӣ гардониданд. Тамоми ғалатфаҳмиҳоро дар атрофи «шукрона» мухолифин ба манфиати пиёда кардани мақсадҳои манфӣ истифода мекунанду аз он «пиар» месозанд. Тамоми чорабиниҳои интихоботӣ дар кишвар ба таври шаффоф гузаштанд ва ин ҳолат аз тарафи созмону ташкилотҳои нозири байналмилалӣ эътироф гардидааст. Албатта, камбудиҳо дар ҳар кишвар ҷой доранд, вале бо сабаби ҷузъӣ будан, аз он сарфи назар мекунанду интихоби аксариятро ба назар мегиранд. Дар ин масъала ҳеҷ ҷойи шакку шубҳа нест. Овоздиҳии электронӣ пешниҳоди хуб аст. Умед аст, ки дар оянда дар кишварамон чунин система ҳам ба роҳ монда шавад.

Таҳлили мақола нишон дод, ки дар байни аъзои оилаи Қувваталӣ Муродов ва худи ў дар масъалаи пешбарии номзадиаш ихтилоф мавҷуд аст. Бинобар ин асос, ҳолати рўҳии ў бояд мавриди ташхиси тиббӣ қарор гирад.

М. Акрамӣ