Асосӣ: Сиёсати дохилӣ Таҳқиқот НЕРУИ РОҒУН – АМНИЯТИ ИҚТИСОДИИ КИШВАР
+++ Номаи шодбошии Президенти Ҷумҳурии Тоҷикистон муҳтарам Эмомалӣ Раҳмон ба муносибати иди Фитр +++ Заминаҳои асосии барқароршавии муносибатҳои дипломатӣ миёни Ҷумҳурии Тоҷикистон ва Ҷумҳурии Мардумии Чин +++ Суханронии Президенти Ҷумҳурии Тоҷикистон Эмомалӣ Раҳмон дар маҷлиси тантанавӣ ба муносибати 25-солагии таъсисёбии Қӯшунҳои сарҳадӣ +++ Сиёсати хориҷии Ҷумҳурии Тоҷикистон дар минтақаи Осиёи Марказӣ: вазъият ва дурнамо +++ Суханронии Пешвои миллат Эмомалӣ Раҳмон дар мулоқот бо сокинони деҳоти Пушинги ноҳияи Данғара +++ Тоҷикистон ҳамчун кишвари пешсаф дар мубориза бо терроризм ва экстремизм +++ Тоҷикистон ҳамчун кишвари ташаббускор дар самти мубориза бо терроризм +++ ТАБРИКОТИ Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати фарорасии моҳи шарифи Рамазон +++ Пешвои миллат Эмомалӣ Раҳмон бо Сарвазири Ҷумҳурии Сотсиалистии Ветнам Нгуен Суан Фук мулоқот намуданд +++ Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Ӯзбекистон Шавкат Мирзиёев мулоқот намуданд +++

Овоздиҳӣ

Шумо дар бораи мо чӣ тавр фаҳмидед?
 

ОМОР

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз499
mod_vvisit_counterДирӯз2491
mod_vvisit_counterДар ин ҳафта4984
mod_vvisit_counterДар ин моҳ37572
mod_vvisit_counterҲамагӣ1680895
Visitors Counter 1.5

ТАҚВИМ

Июни
19
Чоршанбе
BuaXua Calendar

МАРКАЗИ ТАДҚИҚОТИ СТРАТЕГИИ НАЗДИ ПРЕЗИДЕНТИ ҶУМҲУРИИ ТОҶИКИСТОН

CТРАТЕГИЯИ МО ТАЪМИНИ АМНИЯТИ МИЛЛӢ, СУЛҲУ СУБОТ, МУТТАҲИДИИ МИЛЛАТ, РУШДУ ИНКИШОФИ АНЪАНАВУ СУННАТҲОИ НЕК ВА ФАРҲАНГИ МИЛЛӢ, ПЕШРАФТИ ИҚТИСОДИИ ТОҶИКИСТОН ВА БО ҲАМИН РОҲ БАЛАНД БАРДОШТАНИ САТҲИ ЗИНДАГИИ МАРДУМ АСТ.

ЭМОМАЛӢ РАҲМОН

НЕРУИ РОҒУН – АМНИЯТИ ИҚТИСОДИИ КИШВАР

16.11.2018

Аз Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар соли 2010 бармеояд, ки "барои таъмини амнияти энергетикӣ ва паст кардани сатҳи вобастагии кишвар аз воридоти сӯзишворӣ сарфаю сариштакорӣ захираи муҳим мебошад". Ҳамчунин, вобаста ба иҷрои ин Паём, дар Муроҷиатномаи Президенти Ҷумҳурии Тоҷикистон муҳтарам Эмомалӣ Раҳмон ба мардуми Тоҷикистон аз 5 январи соли 2010 возеҳу равшан гуфта шуда буд: "Он рӯз дур нест, ки дар партави нури Роғун парчами Тоҷикистони соҳибистиқлол ва тоҷи зарини давлати тоҷикон ҷилои тоза хоҳад гирифт. Роғун сарчашмаи ифтихори миллии ҳар як фарзанди Тоҷикистон ва рамзи сарбаландии имрӯзу фардои мост".

Ҳамаи ин шаҳодати заҳматҳои содиқона ва фидокоронаи Пешвои миллат барои расидан ба истиқлолияти энергетикӣ аст ва ҳар як шаҳрванди мамлакат ва сохторҳои дахлдори давлатӣ бояд самаранок ва бо масъулияти баланд, бовиҷдонона сохтмони ин неругоҳ ва истифодаи ин соҳаи тақдирсози миллиро амалӣ намоянд.

Имрӯзҳо бунёду барқарорсозии иншооти ҳаётан муҳими кишвар, аз ҷумла Неругоҳи барқи обии Роғун босурат идома дорад ва ба як ҳашари умумимиллӣ табдил гаштааст, ки дар он беш аз 14 ҳазор нафар ва 1,5 ҳазор техника ва механизм шабу рӯз фаъолият доранд. Аз ин лиҳоз, мардуми шарафманди кишвар дар ин раванди хеле мураккаб ва пурҳаводис бояд на танҳо асолати миллии худро ҳифз намояд, балки бо заҳмати созанда ва содиқонаю софдилона рушди сиёсию иқтисодӣ ва иҷтимоиву фарҳангии давлати соҳибистиқлоламонро таъмин менамоянд.

Неругоҳи барқи обии Роғун Ҷумҳурии Тоҷикистонро ба мамлакати содиркунандаи барқ табдил медиҳад ва ин захираи бузурги иқтисодӣ мамлакатҳои Осиёи Марказӣ ва қисман мамлакатҳои узви Созмони Ҳамкории Шанхай, махсусан, Афғонистон, Покистонро ба неруи барқ таъмин менамояд, ки дар дар доираи лоиҳаи байналмилалии энергетикии "КACА–1000" бо маблағгузории Бонки Ҷаҳонӣ, аз охири соли 2018 оғоз шудааст, амалӣ мешавад.

Ҳамчунин, Ҳукумати Тоҷикистон бо вуҷуди душвориҳои зиёди иқтисодиву молиявӣ қотеъона саъй ва талош намуд, ки ормони деринаи миллатро доир ба анҷом расондани сохтмони неругоҳи азими аср ба ҳақиқат табдил диҳад. Аз ҳамин ҷост, ки 16 ноябри 2018 агрегати аввалини ин неругоҳи бузург ба кор дароварда шуд. Дар маҷмӯъ, дар натиҷаи пурра ба кор даровардани Неругоҳи барқи обии Роғун, Ҷумҳурии Тоҷикистон имконият пайдо мекунад, ки то 8–10 млрд. кВт.соатро содирот намуда, ба буҷаи давлат (ба миқёси соли 2018) то 30 дарсади маблағи изофӣ ворид намояд. Ин шаҳодати ба амнияти энергетикӣ расидани кишвар ва ба яке аз давлатҳои содиркунандаи неруи барқ дар минтақа табдил ёфтани Ҷумҳурии Тоҷикистон аст.

Ҳоло сохтмони ин иншооти барои ҷумҳурии мо тақдирсоз ба корзори заҳмати созанда, майдони ҳиммату ҷавонмардӣ, арсаи озмоиши нангу номус ва гузашта аз ин, ба ғояи миллии мо табдил ёфтааст, чунки Роғун на танҳо манбаи нуру рӯшноӣ, балки номуси миллӣ, шарти иқтидору пойдории давлат ва омили асосии таъмини амнияти миллат ва давлати Тоҷикистон мебошад.

Бинобар ин, вақти он расидааст, ки он ҷонфидоие, ки Пешвои миллат барои ҳифзи пойдории давлати тоҷикон дар ҳифзи амнияти миллӣ ва хизматҳои бузург дар соҳаи амнияти энергетикӣ Неругоҳи барқи обии Роғунро ба номи Қаҳрамони Тоҷикистон, Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон номгузорӣ кардан, аз рӯйи мантиқ ва адолат аст. Ин номи пуршараф ҳар фарде, ки дар бунёди неругоҳи бузурги асри бисту як дар оянда фидокорона заҳмат мекашад, ғайрат ва эҳтироми ватандӯстияшро афзун мегардонад.

Акбархон Акрамхонов,
мутахассиси пешбари Маркази
тадқиқоти стратегии назди
Президенти Ҷумҳурии Тоҷикистон