Асосӣ: Сиёсати дохилӣ Таҳқиқот МУЛОҚОТ ВА ИМЗОИ ЁДДОШТИ ТАФОҲУМ БАЙНИ МАРКАЗИ ТАДҚИҚОТИ СТРАТЕГИИ НАЗДИ ПРЕЗИДЕНТИ ҶУМҲУРИИ ТОҶИКИСТОН ВА МАРКАЗИ ТАДҚИҚОТИ ГЛОБАЛӢ ВА СТРАТЕГИИ ҶУМҲУРИИ ИСЛОМИИ ПОКИСТОН
+++ Мулоқот бо Президенти Туркманистон Гурбонгулӣ Бердимуҳаммадов 24.08.2018 11:38, Туркманистон +++ Паёми Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба муносибати иди Фитр +++ Суханронӣ дар мулоқот бо намояндагони ҷомеаи кишвар ба муносибати фарорасии моҳи шарифи Рамазон 12.05.2018 10:46, шаҳри Душанбе +++ Иштирок дар чорабинии тантанавӣ ба ифтихори Рӯзи ғалаба 09.05.2018 09:58, шаҳри Душанбе +++ Суханронӣ дар маросими ифтитоҳи Конфронси байналмилалии сатҳи баланд дар мавзӯи “Муқовимат бо терроризм ва ифротгароии хушунатомез” 04.05.2018 09:37, шаҳри Душанбе +++ СУХАНРОНӢ БА ИФТИХОРИ ТАҶЛИЛИ ҶАШНИ НАВРӮЗИ БАЙНАЛМИЛАЛӢ ДАР ВАРЗИШГОҲИ ШАҲРИ ПАНҶАКЕНТ +++ СУХАНРОНӢ ДАР ЧОРАБИНИИ САТҲИ БАЛАНД БА МУНОСИБАТИ ОҒОЗИ ДАҲСОЛАИ БАЙНАЛМИЛАЛИИ АМАЛ “ОБ БАРОИ РУШДИ УСТУВОР, СОЛҲОИ 2018-2028” +++ СУХАНРОНИИ ПЕШВОИ МИЛЛАТ ЭМОМАЛӢ РАҲМОН ДАР «ШОМИ ДӮСТӢ» БА МУНОСИБАТИ САФАРИ ДАВЛАТИИ ПРЕЗИДЕНТИ ҶУМҲУРИИ ӮЗБЕКИСТОН +++ ИЗҲОРОТИ МУШТАРАКИ ПРЕЗИДЕНТҲОИ ҶУМҲУРИИ ТОҶИКИСТОН ЭМОМАЛӢ РАҲМОН ВА ПРЕЗИДЕНТИ ҶУМҲУРИИ ӮЗБЕКИСТОН ШАВКАТ МИРЗИЁЕВ ОИД БА ТАҲКИМИ ДӮСТӢ ВА НАКӮҲАМСОЯГӢ +++ Инъикоси дипломатияи иқтисодӣ дар Паёми Пешвои миллат +++

Овоздиҳӣ

Шумо дар бораи мо чӣ тавр фаҳмидед?
 

ОМОР

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterИмрӯз18
mod_vvisit_counterДирӯз1586
mod_vvisit_counterДар ин ҳафта1604
mod_vvisit_counterДар ин моҳ16090
mod_vvisit_counterҲамагӣ1428538
Visitors Counter 1.5

ТАҚВИМ

Декабри
10
Душанбе
BuaXua Calendar

МАРКАЗИ ТАДҚИҚОТИ СТРАТЕГИИ НАЗДИ ПРЕЗИДЕНТИ ҶУМҲУРИИ ТОҶИКИСТОН

CТРАТЕГИЯИ МО ТАЪМИНИ АМНИЯТИ МИЛЛӢ, СУЛҲУ СУБОТ, МУТТАҲИДИИ МИЛЛАТ, РУШДУ ИНКИШОФИ АНЪАНАВУ СУННАТҲОИ НЕК ВА ФАРҲАНГИ МИЛЛӢ, ПЕШРАФТИ ИҚТИСОДИИ ТОҶИКИСТОН ВА БО ҲАМИН РОҲ БАЛАНД БАРДОШТАНИ САТҲИ ЗИНДАГИИ МАРДУМ АСТ.

ЭМОМАЛӢ РАҲМОН

МУЛОҚОТ ВА ИМЗОИ ЁДДОШТИ ТАФОҲУМ БАЙНИ МАРКАЗИ ТАДҚИҚОТИ СТРАТЕГИИ НАЗДИ ПРЕЗИДЕНТИ ҶУМҲУРИИ ТОҶИКИСТОН ВА МАРКАЗИ ТАДҚИҚОТИ ГЛОБАЛӢ ВА СТРАТЕГИИ ҶУМҲУРИИ ИСЛОМИИ ПОКИСТОН

27.08.2018

Имрӯз, 27 августи соли 2018, дар доираи сафари ҳайати расмии Ҷумҳурии Исломии Покистон ба Ҷумҳурии Тоҷикистон, мулоқоти роҳбарони Маркази тадқиқоти глобалӣ ва стратегии Ҷумҳурии Исломии Покистон бо роҳбарият ва ҳайати кормандони Маркази тадқиқоти стратегии назди Президенти Ҷумҳурии Тоҷикистон ва маросими имзои Ёддошти тафоҳум аз ҷониби роҳбарони ҳар ду Марказ баргузор гардид. Қабл аз мулоқот байни ҳайати роҳбарони Маркази тадқиқоти глобалӣ ва стратегии Ҷумҳурии Покистон ва Маркази тадқиқоти стратегии назди Президенти Ҷумҳурии Тоҷикистон музокироти расмӣ доир гардид. Дар ин музокирот дар бораи тақвияти ҳамкориҳои дуҷонибаи байни ин ниҳоди муҳими давлатӣ сухан рафт ва таъкид карда шуд, ки Ҷумҳурии Тоҷикистон ва Ҷумҳурии Исломии Покистон ду кишвари муҳими минтақаи Осиёи Марказӣ ба шумор мераванд ва ин ду давлатро муносибатҳои сиёсию иқтисодӣ ва фарҳангиву маънавӣ аз замонҳои қадим ба ҳам мепайвандад. Аз ин рӯ, имзои Ёддошти тафоҳум байини ин ду Марказ муносибатҳои Ҷумҳурии Тоҷикистон ва Ҷумҳурии Исломии Покистонро ба сатҳи баланд мебардорад, ки ба манфиати ду давлати дӯсту ҳамсоя мебошад.

Директори Маркази тадқиқоти стратегии назди Презтиденти Ҷумҳурии Тоҷикистон Худобердӣ Холиқназар ҳамоишро ифтитоҳ намуда, меҳмонони олиқадри покистониро ба сарзамини Тоҷикистон хайрамақдам гуфт ва ҳайати меҳмононро ба ҳозирин шинос намуд ва қайд кард, ки Маркази тадқиқоти стратегии назди Президенти Ҷумҳурии Тоҷикистон ба ҳайси яке аз ниҳодҳои таҳлилӣ ва машваратии кишвар бо мақсади амалишавии стратегияҳои давлатӣ ва такмили механизми сиёсати дохилию хориҷӣ ва сиёсати дурбинонаи Пешвои миллат, Президенти Ҷумҳурии Тоҷикистон мунтазам фаъолият менамояд ва дар бораи самтҳои асосии корҳои илмию тадқиқотӣ мухтасаран иттилоъ дод. Сипас сардори Раёсати таҳлили масъалаҳои иҷтимоӣ Абдураҳмон Қурбонов, сардори Раёсати тадқиқоти масъалаҳои соҳибкорӣ ва инкишофи бахши хусусӣ Тоҳирхон Баротов, сардори Раёсати тадқиқоти масъалаҳои соҳавӣ Ҷаҳонафрӯз Даринг, сардори Раёсати таҳлили масъалаҳои макроиқтисодӣ Ғафур Расулов, муовини сардори Раёсати таҳлил ва ояндабинии сиёсати дохилӣ Саидхоҷа Акбаров, муовини сардори Раёсати таҳлдил ва ояндабинии сиёсати хориҷӣ Имомназар Ҳақназар, муовини сардори Раёсати таъминоти иттилооотӣ Зубайдулло Давлатов, муовини сардори Раёсати омӯзиши масъалаҳои амнияти минтақавӣ Нарзулло Сангинов дар бораи самтҳо ва натиҷаҳои фаъолияти илмию пажӯҳишии раёсатҳои худ мухтасаран маълумот ироа намуданд.

Баъдан маросими имзои Ёддошти тафоҳум (Меморандум) байни Маркази тадқиқоти стратегии назди Президенти Ҷумҳурии Тоҷикистон ва Маркази тадқиқоти глобалӣ ва стратегии Ҷумҳурии Исломии Покистон баргузор гардид. Аз ҷониби Ҷумҳурии Тоҷикистон директори Маркази тадқиқоти стратегии назди Президенти Ҷумҳурии Тоҷикистон Худобердӣ Холиқназар ва аз ҷониби Покистон Президенти Маркази тадқиқоти глобалӣ ва стратегии Ҷумҳурии Исломии Покистон ҷаноби Сайид Холид Амир Ҷаъфарӣ дар зери Ёддошти тафоҳум ба таври тантанавӣ имзо гузоштанд.

Баъдан Президенти Маркази тадқиқоти глобалӣ ва стратегии Ҷумҳурии Исломии Покистон, генерал-майори мутаъфӣ, ҷаноби Сайид Холид Амир Ҷаъфарӣ, сардабири рӯзномаи "Daily Herald Tribune" ва узви калони Раёсати мушовараи Маркази омӯзиши глобалӣ ва стратегии Ҷумҳурии Исломии Покистон ҷаноби Ғулом Акбар, директори иҷроияи Маркази тадқиқоти глобалӣ ва стратегии Ҷумҳурии Исломии Покистон, подполковники мустаъфӣ Холид Темур Акрам дар бораи самтҳои асосии фаъолияти ин ниҳоди давлатии худ маълумот доданд. Онҳо таъкид карданд, ки Маркази тадқиқоти глобалӣ ва стратегии Ҷумҳурии Исломии Покистон аз бузургтарин ниҳодҳои иллмию пажӯҳишӣ маҳсуб ёфта, барои роҳбарони олӣ ва Ҳукумати Ҷумҳурии Исломии Покистон маводу гузоришҳои таҳлилӣ дар бораи вазъи сиёсию иқтисодӣ, иҷтимоию фарҳангии минтақаи Осиёи Марказӣ пешниҳод менамояд. Маркази тадқиқоти глобалӣ ва стратегии Ҷумҳурии Исломии Покистон метавонад бо Маркази тадқиқоти стратегии назди Президенти Ҷумҳурии Тоҷикистон дар оянда дар соҳаи амнияти минтақавӣ, хатари терроризм ва экстремизм, иқтисодиёту соҳибкорӣ ва туризм тадқиқоти муштарак анҷом диҳад.

Сипас дар байни ҳайати расмии Ҷумҳурии Покистон байни кормандони Маркази тадқиқоти стратегии назди Президенти Ҷумҳурии Тоҷикистон табодули афкор ва саволу ҷавоб ҷараён гирифт. Дар охир директори Маркази тадқиқоти стратегии назди Президенти Ҷумҳурии Тоҷикистон Худобердӣ Холикназар ҳамоишро натиҷагирӣ ва ҷамъбаст намуд. Дар байни ду ҳайат супоридани туҳфаҳои хотиравӣ сурат гирифт.

Ҳамоиш дар рӯҳияи самимият, ҳусни тафоҳум ва муколамаи созанда доир гардид.

Хадамоти матбуоти стратегии

назди Президенти Ҷумҳурии Тоҷикистон